Kalender

17.mai på Gloppen Hotell

______________________________________________________________

29.juni: Winemakers dinner – Meet the maker

Sjå her alle vinelskarar!
Vi får besøk av ledande vinmakarar frå Spania. Cune. Denne kvelden vil dei introdusere dykk for eit godt utval kvalitetsvinar til ein 7-retters meny frå vårt eige kjøkken. Gode, lokale smakar frå Gloppen, kombinert med noko av det beste frå vinverden i Spania.

Prisar: 
Middag og vinpakke: kr 995.
Middag, vinpakke og overnatting(pp i dobbeltrom). Kr 1790.
Enkeltromstillegg: Kr 455.

Tid:
18:00 – 23:59
30 plassar

For reservasjon: Tlf 57865333 / post@gloppenhotell.no
Velkomen!

______________________________________________________________________________________________________

 

4.juli – Førdefestivalen: Muchacho & Los Sobrinos

Kjellaren, Gloppen Hotell. Kl 20:00 til 21:30

Vi held fram det gode samarbeidet med Førdefestivalen, og inviterer til ein herleg kveld med Muchacho og vennegjengen Los Sobrinos frå Barcelona – og deira urbane Rumba Catalana!

Los Sobrinos er barndomsvenene, kompisane og brødrene frå sigøynar-områda i Barcelona som opp gjennom åra har spelt sin rumba i bryllaup og i alle andre festlege lag, i tillegg til konsertar. Den katalanske rumbaen oppstod i Raval-bydelen i Barcelona tidleg på 50-talet, og Muchacho y Los Sobrinos vidarefører arven etter m.a. Peret, den gudbenåda musikaren og songaren som var den som gjorde mest for å utvikle denne spesielle musikkstilen.

Muchacho y Los Sobrinos serverer autentisk rumba Catalana, med intense klapperytmar, fandenivoldsk gitarspel og raspande vokal. Dei etterlet ikkje tvil om at katalansk rumba har sine musikalske røter på Cuba, men at spansk flamenco har sett sine tydelege spor både i musikken og dansen. Og apropos dans: Bandet har også med seg dansarane Raquel Vicente og Enrique Serviole, som òg er instruktørar på kurs i katalansk rumba på festivalen, så det er berre å melde seg på!

Miguel Serviole “Muchacho” – vokal, gitar, piano
Sam “Mosquetón” – gitar, vokal
Jack Jean Tarradellas – perkusjon, vokal
Jonathan Malla “Petete” – gitar, vokal
Juan Salazar – tangent
Antonio Reyes – bass
Alba Bioque – klapping, vokal
Enrique Serviole – dansar, kubjølle (campana), klapping
Raquel Vicente – dans, klapping

Billettar finn du her: Muchacho & Los Sobrinos 4.juli

______________________________________________________________________________________________________Meir info kjem!
______________________________________________________________________________________________________

24.august – deLillos – akustisk

Trivselshagen: kl. 20:00

Eit av Norges viktigaste rockeband deLillos kjem til Trivselshagen og Glopperock for fyrste gong!

Oslo-bandet deLillos starta opp allereie i 1984 fronta av Lars-Lillo Stenberg. Med ei enorm mengde hits i kofferten har verkeleg deLillos vist seg å være eit av dei fremste innan norsk rock. Med eit lett naivt tekstunivers, livlege gitarar og Lars-Lillos’ velkjende og særeigne vokal, er alt dei har gjort nærmast som kulturskattar å rekna. Og folkefavorittane «Smak av honning», «Neste sommer», «Flink», «Kokken Tor» og «Tøff i pysjamas» vil for alltid stå fjellstøtt både live og i det gode gamle albumformatet.

Gruppa blir rekna som ein av dei mest markante i norsk musikkliv frå 1980-tallet og fram til i dag. Saman med Raga Rockers, DumDum Boys og Jokke & Valentinerne blir deLillos referert til som ein av dei fire store norske rockegruppene.

deLillos har vunne heile tre Spelemannsprisar i si karriere og gav i 2014 ut det kritikarroste albumet «Rett og slett livet» som hamna på 1.plass på både iTunes og VG i tida etter. I 2015 feira dei 30 år som band og spelte alle sine 15 album live på 10 dagar på Popsenteret til stor suksess. I tillegg gav dei ut 4 samlealbum og boka «Glemte minner- historien om 230 deLillos-sanger». Desember 2017 kom live albumet «deLillos – Sveve over byen med Kringkastingsorkesteret» . Eit band som fortsatt helde koken med andre ord. Vi gledar oss!

Fredag 24. august blir det akustisk konsert med deLillos i kultursalen i Trivselshagen, under Glopperock 2018. Denne kvelden får du ein «unplugged» hitparade frå eit av Norges  største rockeband.

Billettar

Kjøp billettar elektronisk her.
Billettar kan også kjøpast ved Servicetorget på Søreide og i Trivselshagen sin kafè.
Arr: Gloppen Musikkforum/Glopperock 2018

______________________________________________________________________________________________________

3.-9. september – Gloppen Musikkfest

Årets tema for Gloppen musikkfest er Norden. Program og har ei feiande flott liste over strålande musikarar som kjem til Gloppen den fyrste veka i september. Dette er ein strålande bukett med nasjonale og internasjonale namn som snart vil bli presentert for dykk. I tillegg er det mykje spanande på gong med lokale og regionale aktørar, både unge og vaksne, så her er det berre å gle seg.

______________________________________________________________

28.-31.september – Matamålfestivalen

UNIKE &LOKALPRODUSERTE MATOPPLEVINGAR

Matamål – matfestivalen i Sogn og Fjordane, er alltid siste helga i september på Sandane og byr på mangfald, kvalitet og kortreist mat.

Er du lokal eller besøkande? Stor eller liten? Matamål har noko for alle, og vi håpar å sjå deg der!

______________________________________________________________________________________________________

27.09.18. Verda og Vi: Hege Moe Eriksen

Hege Moe Eriksen er utanriksjournalist i NRK, og har sidan 2014 vore programleiar i NRK Urix. Ho budde i Jakobsnes i Finnmark, eit par kilometer frå den norsk-sovjetiske grensa, til ho var 11 år, flytte til Frankrike som 16-åring og gjennomførte vidaregåande skule i Lyon. Deretter budde ho to år i Spania. Moe Eriksen har studert spansk og fransk, i tillegg tok ho arabiske studium ved Birzeit-universitetet i Ramallah. Frå 2010 til 2013 var ho NRK sin korrespondent i Brussel, med ansvar for å dekke EU, NATO og store delar av Vest-Europa.

Kultursalen, Trivselshagen.
Sjå www.trivselshagen.no

______________________________________________________________________________________________________

4.oktober – Morten Abel i Trivselshagen

Kl 19:30.
Med splitter nye låtar og ei rekke udødelege hits legg Morten Abel ut på vegen igjen i 2018

Det blir musikalsk fest når Abel tek med seg bandet og sitt fantastiske låtunivers på vegen. Med seg i bagasjen har han også splitter nye låtar frå det nyaste albumet, ”Evig din”, som kom ut tidlegare i år. Kva betre måte finnast det å feire opptakinga i Rockheims Hall of Fame enn å reise på turné?

Få artistar her til lands har ein like suksessrik og mangslungen karriere som Morten Abel, og med hits som “Be My Lover”, “Lydia”, “Tulipz”, “Hard To Stay Awake”, “Doberman” og “Frøken Vilikke” treng han knapt noko nærare introduksjon. Vegen fra Bodø til Stavanger, fra Mods og The September When til Peltz og to tiår som definerande soloartist er lang og brokete. Men fellesnevnaren for Abels musikalske eskapadar er den vanvittige låtteften, som har gjort så å seie alt han har rørt ved, til både kritikerroste utgivingar og kommersiell suksess.

Abel har vore i rampelyset i snart en mannsalder, og han er og forblir ein av få ekte popstjerner vi har her til lands. Både salstala, prisane og konsertane på merittlista hans forsvarar denne statusen, og mannen er for lengst ein levande legende i norsk musikkbransje.

Gle deg til Abel kjem til Kultursalen i Trivselshagen 4. oktober!

Billettar

Kjøp billettar elektronisk her.
Billettar kan også kjøpast ved Servicetorget på Søreide og i Trivselshagen sin kafè.

______________________________________________________________________________________________________

25.10.18.Verda og Vi: Henrik Syse

Etiske verdier i en verden i rask forandring.
Henrik Syse er utdanna filosof. Han er seniorforskar ved Institutt for fredsforsking (PRIO) og professor ved Bjørknes Høyskole. Fagleg har Syse arbeidd med politisk filosofi, rettsfilosofi og moralfilosofi, og han har gitt ut ei rad bøker både om desse og andre tema. I 2015 vart han vald som medlem av Nobelkomiteen. Han var medlem av Verdikommisjonens sekretariat 1998 – 2001 og medlem av Pressens faglige utval (PFU) som representant for allmennheita 2002 – 2016. Syse er og aktiv i kyrkjeleg samanheng som søndagsskulelærar, andaktshaldar og skribent. Han arbeider for tida deltid som foredrags – og kurshaldar, er aktiv i samfunnsdebatten og er ein mykje nytta foredragshaldar.

Kombiner din konferanse på Gloppen Hotell med eit fagleg gløtt til verda og storpolitikken.

Pris per person kr 1975,- inkludert:
2-retters lunsj
Møterom heile dagen med kaffi og te-pausar, frukt
2-retters middag av lokale smakar
Foredrag i Trivelshagen kl 20:00
Ostefat, dessert og kaffi i salongane
Overnatting i enkeltrom
Vår heimelaga frukost

Bestilling: 57 86 53 33  eller booking@gloppenhotell.no